◎一甲子的腳跡(羅馬書十12-15)             賴信頌牧師
    湯瑪斯‧巴克禮（Thomas Barclay，1849-1935），是英國蘇格蘭出身的長老教會宣教師、語言學家及教育家，他將一生奉獻互台灣，佇台灣宣教60年久（1875-1935），對台灣的宗教、教育、文字出版及近代史攏有真深的影響。巴克禮佇16歲生日時寫落向上帝獻身的誓約，立志終身為主服事，以後每年生日的時他攏拿出來簽約，後來受著宣教師杜嘉德牧師的影響，決定來到東方來宣教。
    巴克禮佇1875年6月到佇打狗，隨後前往台南。面對當時交通不便、氣候濕熱閣瘧疾(ma-lá-lí-á)流行，他憑著堅強的意志力行遍南部各地教會。他為了互基督教信仰佇台灣釘根以及培養在地傳道人才，佇1876年佇台南設立了「大學」（臺南神學院的前身），並擔任校長，除了神學外，他也將西方近代科學、天文學與數學帶入課程中，這是台灣第一間大學。
    佇1884年，他對英國進口的印刷機，佇台南設立了「聚珍堂」（臺灣教會公報社的前身），這是台灣第一台的印刷機。1885年7月他用台語羅馬字（白話字）發行了《臺灣府城教會報》（現在臺灣教會公報），這是台灣歷史上的第一份報紙。巴克禮一生盡力佇白話字的推廣，也將聖經翻譯並且印刷作台語白話字版本，他推動白話字佇逐所在，互當時多多毋識漢字的一般百姓，大大提升了基層民眾識字及知識水平，這對台灣語言文字的保存及基督教本土化有真大的貢獻。
    佇1895年《馬關條約》簽定，將台灣割互日本了後，佇政權交替的時，日軍準備進入臺南城。臺南地方紳商懇請英國宣教師出面，希望向日軍交涉避免戰爭流血。巴克禮牧師就及另一位宣教師宋忠堅牧師冒著生命危險，佇黑夜中手持英國國旗、提燈並且高唱詩歌，前往日軍的營地。他們成功面見日軍將領乃木希典，取得日軍不流血、不殺無辜的承諾。最後由巴克禮牧師親自擔任導頭，引導日軍和平進入臺南城，互臺南府城數萬人免受戰火流血，事後日本明治天皇就頒授他五等旭日勳章來表彰他的貢獻。
    巴克禮將人生最精華的六十年歲月全部奉獻互臺灣，直到晚年心猶掛慮教會及教育工作，佇1935年10月5日，他佇臺南新樓醫院安詳病逝，享壽85歲，安葬佇臺南基督教墓園。
    羅馬書十15講：「傳播福音的人，𪜶的腳跡偌仔呢媠！」這句話互咱看見巴克禮牧師佇台灣一甲子腳跡也是這麼媠。他無帶著刀劍及權勢來到台灣，是用他的雙腳走入這塊土地。他的生命對佇神學、教育及印刷攏有「佳美的腳跡」，將福音的好消息用疼化作實際的行動帶互台灣福氣。
    為怎樣巴克禮牧師願意用他的一生奉獻互台灣，因為他知無論個人的背景、出身或過去是怎樣，咱攏屬佇同一位上帝，佇上帝面前沒有貴賓席，人人攏是平等的，親像12-13節所講的：「猶太人及外邦人攏無差別，因為有仝一位上帝是萬民的主，伊會豐豐富富賜福互所有求叫伊的人。因為所有求叫主的名的人攏會得救。」
    最後保羅講：「傳播福音的人，𪜶的腳跡偌仔呢媠！」這對基督徒來講，這無甘單是一句謳咾，更加是咱實踐信仰的重要使命。佇古代背景中，這句話原本是指遐的翻山過嶺、向踮佇戰亂或是困境中的百姓宣傳「平安及勝利的好消息」，這句話對咱來講，毋甘單是勸勉，更加是上帝互咱的大使命。咱毋免將傳福音看作一個有壓力、欲及人辯論的任務，咱只要帶著溫暖的善意去關心身邊的人，並且佇適當的時，將上帝對你的疼傳達出去，咱也可以親像巴克禮牧師同款有媠的腳跡，他的腳跡互台灣因為他來得著福氣。◎一甲子的腳跡(羅馬書十12-15)             賴信頌牧師
    湯瑪斯‧巴克禮（Thomas Barclay，1849-1935），是英國蘇格蘭出身的長老教會宣教師、語言學家及教育家，他將一生奉獻互台灣，佇台灣宣教60年久（1875-1935），對台灣的宗教、教育、文字出版及近代史攏有真深的影響。巴克禮佇16歲生日時寫落向上帝獻身的誓約，立志終身為主服事，以後每年生日的時他攏拿出來簽約，後來受著宣教師杜嘉德牧師的影響，決定來到東方來宣教。
    巴克禮佇1875年6月到佇打狗，隨後前往台南。面對當時交通不便、氣候濕熱閣瘧疾(ma-lá-lí-á)流行，他憑著堅強的意志力行遍南部各地教會。他為了互基督教信仰佇台灣釘根以及培養在地傳道人才，佇1876年佇台南設立了「大學」（臺南神學院的前身），並擔任校長，除了神學外，他也將西方近代科學、天文學與數學帶入課程中，這是台灣第一間大學。
    佇1884年，他對英國進口的印刷機，佇台南設立了「聚珍堂」（臺灣教會公報社的前身），這是台灣第一台的印刷機。1885年7月他用台語羅馬字（白話字）發行了《臺灣府城教會報》（現在臺灣教會公報），這是台灣歷史上的第一份報紙。巴克禮一生盡力佇白話字的推廣，也將聖經翻譯並且印刷作台語白話字版本，他推動白話字佇逐所在，互當時多多毋識漢字的一般百姓，大大提升了基層民眾識字及知識水平，這對台灣語言文字的保存及基督教本土化有真大的貢獻。
    佇1895年《馬關條約》簽定，將台灣割互日本了後，佇政權交替的時，日軍準備進入臺南城。臺南地方紳商懇請英國宣教師出面，希望向日軍交涉避免戰爭流血。巴克禮牧師就及另一位宣教師宋忠堅牧師冒著生命危險，佇黑夜中手持英國國旗、提燈並且高唱詩歌，前往日軍的營地。他們成功面見日軍將領乃木希典，取得日軍不流血、不殺無辜的承諾。最後由巴克禮牧師親自擔任導頭，引導日軍和平進入臺南城，互臺南府城數萬人免受戰火流血，事後日本明治天皇就頒授他五等旭日勳章來表彰他的貢獻。
    巴克禮將人生最精華的六十年歲月全部奉獻互臺灣，直到晚年心猶掛慮教會及教育工作，佇1935年10月5日，他佇臺南新樓醫院安詳病逝，享壽85歲，安葬佇臺南基督教墓園。
    羅馬書十15講：「傳播福音的人，𪜶的腳跡偌仔呢媠！」這句話互咱看見巴克禮牧師佇台灣一甲子腳跡也是這麼媠。他無帶著刀劍及權勢來到台灣，是用他的雙腳走入這塊土地。他的生命對佇神學、教育及印刷攏有「佳美的腳跡」，將福音的好消息用疼化作實際的行動帶互台灣福氣。
    為怎樣巴克禮牧師願意用他的一生奉獻互台灣，因為他知無論個人的背景、出身或過去是怎樣，咱攏屬佇同一位上帝，佇上帝面前沒有貴賓席，人人攏是平等的，親像12-13節所講的：「猶太人及外邦人攏無差別，因為有仝一位上帝是萬民的主，伊會豐豐富富賜福互所有求叫伊的人。因為所有求叫主的名的人攏會得救。」
    最後保羅講：「傳播福音的人，𪜶的腳跡偌仔呢媠！」這對基督徒來講，這無甘單是一句謳咾，更加是咱實踐信仰的重要使命。佇古代背景中，這句話原本是指遐的翻山過嶺、向踮佇戰亂或是困境中的百姓宣傳「平安及勝利的好消息」，這句話對咱來講，毋甘單是勸勉，更加是上帝互咱的大使命。咱毋免將傳福音看作一個有壓力、欲及人辯論的任務，咱只要帶著溫暖的善意去關心身邊的人，並且佇適當的時，將上帝對你的疼傳達出去，咱也可以親像巴克禮牧師同款有媠的腳跡，他的腳跡互台灣因為他來得著福氣。