◎種什麼就收什麼(加拉太書六7-10)        賴信頌牧師         
   「人種什麼就收什麼」這是人對佇上帝的期待，就是盼望所作的及所承受的結果是相對的，這也是人對佇公義的理解，但是好親像咱所看見的不一定是按呢。今仔日這段經文可以幫助咱來看上帝怎樣透過「種及收」來彰顯祂的公義。
    上帝創造世界的時，攏有祂的法則，對佇種及收的法則就是第八節所講：「人所撒的若是為著滿足家己的慾望，就會收成滅亡；人所撒的若是為著欲互聖神歡喜，就會對聖神收永遠的活命。」這互咱看見種甚麼會直接影響所收成的。人無法度欺騙上帝，呣通想講撒種佇荊棘中會收成葡萄，每一個人攏必須要為自己的心思意念及行為負起最後的責任。
    種及收之間，是需要一段的時間，它們未同時存在，但是人卻常常只注重這中間的過程，卻忽略了後面的結果。咱會饒疑歹人怎樣未受懲罰？好人怎樣未受眷顧？卻未記得要到佇最後的結果是需要一段時間。人生所看見的只是這個過程的一部分，最後的收成是在佇末世的中間，所以第九節提醒咱：「做好事毋通想倦(siān)；若無灰心，時到就通收成。」
    有一段話講：「善有善報，惡有惡報：毋是無報，是時候未到。」這是人對佇因果報應的期待，這及今仔日這段聖經的教示真相詳，只是咱卡愛現主時就看見結果，毋是等到未來。其實佇聖經中也多多人物，是因為自己所作的歹，佇今生就遭遇相對的後果。不過聖經也提醒咱，毋通將所有今生的遭遇攏簡單解釋作報應，所以耶穌曾講：「因為諸個加利利人受此款的災難，恁就想講𪜶比其他的加利利人有犯較重的罪是無？我給恁講，毋是，恁若無悔改，攏會親像𪜶按呢滅亡。」(路加十三2-3)。今仔日咱毋是只想欲看著別人的「報應」，是要提醒自己，我今仔日撒什麼種子？將來我就欲收什麼果子。
    佇以斯帖記中有記載，哈曼因為嫉妒末底改，想欲殺害他，甚至猜一個二十二公尺高的柴架，欲將末底改吊死，但是最後發生的結果是哈曼吊佇伊欲吊末底改的柴架頂。哈曼原本設計欲害死末底改，最後卻是被吊死佇他準備那支柴架頂。佇列王記上卷21章中也有記載，亞哈王想得到拿伯的葡萄園，拿伯毋願意出賣祖先留落來的產業。耶洗碧就設計陷害拿伯，互拿伯被殺，亞哈王就順利得著葡萄園。表面上看起來好親像是亞哈王贏啦！但是上帝看見了，上帝藉著先知以利亞宣告講：「你有刣死人閣接收伊的產業」(王上廿一19)後來亞哈戰死，耶洗碧也遭遇悲慘的結局。這段記載互咱看見，人的目周看的是眼前，若是上帝看的是全部。有時作歹的人好親像一時得意；欺騙的人好親像得著利益；無公義的人好親像占了便宜，但是請毋通掠作上帝無馬上處理，上帝就毋知道，咱要會記得羅十二19所講：「親愛的兄弟姊妹，毋通為著家己報冤，寧可互上帝替恁受氣，因為聖經有記載：「主講：申冤在佇我，我會報應。」
    咱要求上帝保守咱的心及嘴，當咱的心衝動的時，咱先停落咱的腳步，拒絕撒落傷害的種子，願意選擇撒落疼、赦免、包容及鼓勵的種子，互咱所撒的種子佇別人生命中生出美好，這毋若化解彼此的關係，也可以分享上帝的疼。聖經並無教示咱，每一個做歹的人，攏會馬上遭受報應，有的歹人好親像一生亨通，有的好人卻經歷苦難，親像約伯的生命就是按呢。約伯雖莽遭遇極大的苦難，但是他並毋是因為犯了罪才受苦，所以咱不能看見一個人遭遇苦難，就講：「他一定是做了什麼歹事，所以遭受報應」，毋管現主時的景況是怎樣，最重要的是上帝最後一定施行公義，咱要趁猶有活命的時行公義、心存憐憫、謙卑及上帝同行，盡心盡力撒落好的種子。