◎尋找咱的蘭巴倫(馬可十35-45)           賴信頌牧師          
    加彭佇1960年8月17日脫離法國獨立，約有八成的土地是森林，有豐富的生態資源，另外也有石油、錳、鐵礦等的天然資源，所以是非洲所得卡高的國家。有學者曾用簡單一段話來形容加彭這個國家：「加彭是一個踮佇赤道、森林資源豐富、石油礦產充足，而且基督教影響力真大的中西非國家。」
    亞伯特·史懷哲（1875–1965）是德國人，一生有神學、哲學、醫學及音樂四個博士學位，佇30歲的時放棄歐洲真好待遇的大學教授及演奏家的生活，前往非洲剛果（現加彭）的蘭巴倫，將他人生後半段奉獻互這塊喪鄉閣真多痛病的土地。
    史懷哲佇21歲的時就做了一個決定，就是30歲之前追求學問及藝術，佇30歲後欲將生命直接奉獻及服務人群。咱兼採無法度親像史懷哲同款放棄工作離開異鄉服務，但是咱可以改變看待生活的態度。當咱將眼光對「別人能夠為我做什麼」轉變作「我能夠為周遭的人帶來什麼祝福」時，生命的掛慮及空虛就會被充實及喜樂所取代。耶穌給咱講：「因為人子來，毋是欲互人服事，反轉是欲給人服事，甚至犧牲家己的性命來贖回真多人。」（馬可十45）。這句話就是欲強調生命的價值毋是在佇「有多少」，是在佇「付出賴多」。
    史懷哲90歲的時，有人問他建立蘭巴倫醫院成功的秘訣，他回答講：「每一個人攏有他自己的蘭巴倫。」這是一句啟發人心的話，咱需要先了解「蘭巴倫」對他是代表著什麼，才會明白這句話的意思。史懷哲原本佇歐洲有極高的地位及好的生活，但是他卻選擇放棄遮的，來到非洲加彭的偏鄉小鎮「蘭巴倫」建立醫院。佇遐他奉獻了自己半世紀的歲月，為著當地的人治病。對佇史懷哲來講，「蘭巴倫」毋只是一個地名，更加是象徵實踐疼及關懷的所在，所以這句話可以翻譯做：「每一個人攏有他實踐疼及關懷的所在」。
    每一個人的生命中攏有一個屬佇自己的「蘭巴倫」，這個「蘭巴倫」可能是你的家庭、你的工作、你的社區，或是你特別關心的弱勢群體。咱毋免親像史懷哲要去到非洲，才能做出有意義的代誌，只要佇自己的位置，對周遭的人伸出幫助的手，盡咱的氣力付出疼及關懷，發揮生命最大的價值，那個所在就是咱的「蘭巴倫」。兼採咱的氣力真小、舞台真平凡，只要懷抱敬畏生命的心，每一個人攏能佇自己的生活中創造出「蘭巴倫」的價值。
    佇今仔日這段經文中，耶穌教示咱：「愛做第一的著做眾人的僕人。」(44)這及史懷哲的一生所付出的真相詳，是值得咱學習的精神。佇經文中，遮的學生佇爭取坐佇耶穌身邊的「高位」，但是史懷哲卻是顛倒頭行。他原本前途是一遍光明，但是他卻願意主動放落遮的世俗的榮耀及舒適的生活，不追求名利，而是佇服事弱勢的人。
    當咱看見這世界猶有多多人活佇喪鄉、病痛及不公不義中的時，咱的心中會產生一種無力感，因為咱無法度改變什麼？佇路加廿一章中有記載有一個散赤的寡婦獻兩個銅錢仔的故事，這個故事毋是要咱做賴大的事，是要咱佇卑微的所在盡心盡力，毋通因為善小而不為。當咱致意咱身邊的孤單老人、陪伴情緒失落的朋友、幫助咱的厝邊的需要，就是上帝擺佇咱生命中的「蘭巴倫」。
    史懷哲的故事並毋是要咱將他神化做聖人，是欲透過他的生命，向咱示範了一種活出聖經教示的可能性。真正的信仰毋只是停留佇口頭上的道理，是用具體的疼心及行動來證明。佇這個追求名利的現代生活中，願咱攏能找到屬佇自己的「蘭巴倫」，用疼及關懷來祝福這個世界。