◎是守或是行(路加十三10-17)  

    佇猶太人的傳統中，安歇日是一個非常重要的規定，他們認為佇這日不能工作，要完全休息。今仔日這段聖經記載耶穌佇安歇日佇堂內啲教示人的時，遇著一個互邪神附身，破病十八年，身軀彎曲伸𣍐直的婦仁人。耶穌看見她就叫她來，宣告她的病已經好，並且用雙手給伊按，伊的身軀隨時伸直，就歸榮光互上帝。但是會堂的主管卻因耶穌佇安歇日給人醫病而不滿，認為耶穌違反了安歇日的規定。若是耶穌指出他們佇安歇日猶解牛抑是驢去飲水？既然互動物喝水比安歇日卡重要，人的生命兼毋是更加珍貴嗎？佇遮互咱看見兩種信仰的態度，一種是守信仰，就是將信仰只停留佇形式、教條及傳統上；另外一種是行出信仰，就是看重意義比教條卡要緊，真正行出信仰的精神。

●守信仰及行信仰的差別

    有的人將信仰看作是不能改變的規定，只要有人做出一點不合規定的事，就感覺這就是破壞信仰，但耶穌提醒咱，信仰的中心毋是教條，是上帝的心意。「守信仰」簡單來講就是將信仰停留佇外在的形式，他將信仰的重點囥佇宗教的儀式、規矩或是傳統上。今仔日會堂主管的態度就是按呢，他認為安歇日毋通做工，因為醫治算是工作，所以耶穌違反了律法，這種的信仰看起來真敬虔，實際上卻是忽略了人的需要。如果咱的信仰只有致意佇「守」的上面，卻無真正投入，就會互咱的信仰真容易受影響，因為信仰無真正進入咱的內心。咱若只注重信仰的形式，就容易成作壓迫別人的工具。

    「行信仰」是將信仰的精神落實佇生活中，當耶穌看見婦仁人的艱苦，祂並無被教條限制，是選擇伸手醫治。耶穌的行動顯出信仰的中心是疼，是互人得著自由，雖莽打破了「形式上」規定，卻是更加接近上帝的心意，互人因為咱的行動而感受到疼及盼望，所以信仰毋甘單是遵守教條，是佇生活中行出信仰的精神。信仰毋只是佇禮拜或是聚會中遵守遮的儀式，是將上帝的心意帶入咱的日常中，佇工作、佇家庭、佇朋友之間互人看見上帝，信仰毋是死的教條，是要有疼的溫度，毋是「守條」是要「行出」。

●咱要對「守」到「行」

    如果信仰只停留佇「守」，咱就可能要常常面對信仰的選擇中，萬不二作毋對，上帝兼會處罰我？耶穌提醒咱，信仰的目的毋是捆綁，是欲釋放；毋是壓迫，是欲自由，咱若可以對「守」到「行」，就未陷落佇外在及內心的衝突。

    守信仰就是尊重上帝的話語，知道祂的心意，若是行信仰就是將上帝的心意活出來，成作具體的行動，親像耶穌佇安歇日醫治婦仁人，祂無停留佇「守教條」，是「行出憐憫」。毋通將教條看作比上帝的心意閣卡重要，真正的信仰應該互人的心因為行出信仰來歡喜，互信仰成作咱生命的氣力。毋知咱對佇信仰的觀點是甚麼？兼採咱所看重的不同款，但是聖經提醒咱，信仰毋只是外在的形式，而是要成作生命的氣力，來影響咱的心、思想及行為，藉著咱跟隨耶穌來得到心靈的自由。

    有時咱會煩惱自己無夠屬靈，對佇聖經的了解無夠深，但是請咱會記得，信仰毋是比誰卡識聖經，是比誰卡願意活出疼，當咱對「守信仰」走向「行信仰」，就才是上帝最歡喜的代誌。信仰毋是一套冷冰冰的教條，也毋只是頭腦的知識，而是一個互人溫暖的氣力，它能幫助咱面對挑戰帶來平安。守信仰是咱的根基，行信仰是結出的果子，咱要互信仰佇咱的生命作工，也照光別人。願咱攏能親像耶穌同款，毋只是守教條，是行出疼來帶互人福氣。