◎我就是活命的餅(約六51-59)              賴信頌牧師

    佇以色列加利利湖西北岸有一間五餅二魚的紀念教堂，佇教堂祭壇前的土腳有一幅兩條魚及一籃餅的圖，籃中清楚可以看見四塊圓餅，真多人攏真好奇，怎樣只有四塊餅。其實作者就是欲互咱來想第五塊餅佇叨位？這第五塊餅就是象徵耶穌自己，因為耶穌就是活命的餅，所以當咱欲領受聖餐的時，咱就是佇領受耶穌這塊活命的餅，這是真重要的神學觀念。

    約翰福音的作者真愛用耶穌自己講的話互咱明白祂的身分及能力，作者用七個「我是」來宣告耶穌的神性及上帝的關係，所以咱欲認識耶穌最好的方法就是透過祂的宣告。耶穌七個宣告的第一句按呢講：我就是對天降落來彼個活命的餅，耶穌講這句話是佇行五餅二魚的神蹟了後。行神蹟了後，眾人就沿著路地繼續去找耶穌，為什麼呢？因為照古早猶太的傳統，當彌賽亞來的時，將重新恢復摩西時代降落嗎哪的神蹟，這時耶穌豈呣是就是佇作這件代誌嗎？耶穌若是彌賽亞，就會繼續將食物賜給他們，只要隨著耶穌自然就能夠得著飽足，但是耶穌卻是指責眾人講：「我實實在在給恁講，恁尋我，是因為有餅食到飽，毋是因為看見神跡。」(六26)

●什麼是活命的餅

    餅是當時的人逐日攏需要的食物，無有食物，人就不能活落去，耶穌用「餅」來形容自己，就是欲互咱明白，祂對咱的生命，就親像食物對身軀那款的重要，無有祂，咱的生命就會失去真正的意義及氣力。耶穌就是欲提醒咱，真正的滿足不在物質，是在佇祂所賜的屬靈生命及永遠的盼望，祂呣若供應咱日常的需要，也欲養飼咱的心靈，互咱活出盼望的生命。

    耶穌強調自己才是真正「對天頂降下來的餅」，是比嗎哪更加重要，因為嗎哪只能夠維持人肉體的生命，但是耶穌互咱的是永遠的生命，這個活命的餅欲帶互咱新的生命。這塊活命的餅並呣是有時有有時無，是欲持續的供應佇咱的生命中，互咱逐日攏能夠經歷祂的更新。耶穌呼召咱要將焦點對短暫的物質轉向永遠的生命，並且佇祂的裡面找到真正生命的滿足。

●活命的餅互咱及祂有親密的連結

    耶穌講：「食我的肉，飲我的血的人，𫢶佇我內面，我嘛𫢶佇伊內面。」(56)咱若用字面的意思來看這段話，真多人會覺得奇怪甚至認為這是邪教，其實耶穌並呣是要咱真正去吃祂的肉、飲祂的血，是用這款的比喻欲來表達，咱若完全接受祂，就欲及祂有親密的連結。吃肉及血就親像食物進入咱身軀，成作咱的一部分，耶穌也欲進入咱的生命，成作咱的氣力及盼望。吃及飲就是象徵生命的同化，表示祂的生命進入咱的生命，祂對人的心意佇咱的身上顯出，這呣甘單是信仰的起點，更加是信仰持續的旅程。

●活命的餅互咱永遠活啲

    當咱相信祂，接受祂的救恩，就好像吃落祂的生命，祂就成作咱生命的一部分，這款的生命呣是短暫的，而是永遠的，所以耶穌講：「食此個餅的人會永遠活啲。」(58)這個餅互咱可以超越死亡，帶互咱永遠的盼望。這個永遠的盼望呣只是未來的盼望，更加是現在的氣力，因為當咱知咱的生命就佇祂的手中，咱就能夠佇艱難中猶原有平安，佇失望中猶原有盼望。咱要將咱的信仰轉向耶穌，祂欲互咱永遠活啲。

    當咱接受耶穌就是咱活命的餅，咱呣只是得到一份安慰或是盼望，更加是得到一個新的生命。這個新的生命會改變咱的思想、行為及態度。咱若吃落耶穌這塊活命的餅，耶穌的生命就佇咱的內面，祂的生命就會佇咱的生活中顯現出來，別人欲因為咱的改變來認識耶穌的真實。