◎著聽，智慧啲叫(箴言八1-5)               賴信頌牧師

    你兼曾聽過智慧的聲？智慧的聲是甚麼？這是真特別的問題。所羅門王講：「著聽，智慧啲叫」，意思就是這個智慧的聲呣是離咱遠遠，它就佇路邊高的所在，佇十字路口，佇城門口，佇人啲出入的所在大聲喝，所以這個智慧並呣是屬佇少數人的，是向所有的人打開，無論身份、背景是怎樣。

    佇本章中互咱看見，選擇智慧就是選擇上帝的道路；選擇上帝的道路，就得著生命及賜福。所羅門用特別的文學手法，將智慧人格化，他描述智慧親像一位婦仁人，佇路邊高的所在，佇十字路口，佇城門口，佇人啲出入的所在大聲喝，邀請人來聽。她呣是隱密佇深山，是公開呼叫人，特別是戇直及愚戇的人，著學習精明及追求聰明，智慧會影響人的一生。

    所羅門原本是一個有智慧、眼光寬闊的王，起初他把國家治理尬真好，一直虔誠敬拜上帝，但是他為了及周圍的外邦交好，就用及異族通婚的方式來結盟，他娶了多多外邦的女子來換和平，但是遮的外邦女子卻互所羅門漸漸失去對上帝的誠心（王上十一1-3）。所羅門佇人生的最高峰的時離開上帝，敬拜別的神明，致到國勢衰敗，內憂外患接續來，互整個國家面臨真大的危機，這個無智慧的選擇，致到上帝的賜福也離開他，後來所羅門死後國家就分裂作南北兩國。

    所羅門的故事提醒咱，這個世界處處充滿誘惑，咱踮佇這中間若無注意，就可能及所羅門王同款，因為過頭自信而受誘惑來偏離正道。箴言九10講：「敬畏上主是智慧的根本；識彼位至聖的上帝就是聰明。」咱若欲敬畏上主，就是要常常親近祂，無者咱就真容易未記得祂，尤其是佇咱成功的時。當咱越及上帝親近，就越能知道自己的不足，越需要上帝無窮的智慧，來作咱生活的引導。

    世上有兩種的智慧：一個是處事，一個是做人。佇遮提著智慧的聲呣是輕聲細語，是佇逐所在「大聲喝」，這表示上帝對咱要追求智慧是非常迫切的，祂無希望咱因為愚憨而走呣對方向，是盼望咱聽見祂的大聲喝，得來著生命的賜福。既然智慧向咱大聲喝，咱著應該怎樣來回應呢？

●咱要努力去聽智慧的聲

    努力去聽智慧的聲是今仔日這段經文的中心，因為智慧呣是隱密的，而是公開佇逐所在佇大聲喝，盼望咱能夠聽見來回應。努力聽智慧的聲，就是努力聽上帝的心意，因為「敬畏上主是智識的根本，愚戇的人藐視智慧及教示」(箴一7)

●咱呣若聽見也要接受

    聽見智慧只是第一步，真多人聽過智慧佇喝，但是若無接受，就親像聽著音樂卻無甚麼感覺，有聽親像無聽。咱要去接受才能帶來改變，當智慧進入咱的心，成作咱的思想及行動，就才帶來生命的更新。箴言八35講：「尋著我的人就是尋著性命；伊會對上主得著恩惠。」

●咱要將智慧實踐佇生活中

    「聽見智慧」及「接受智慧」攏真重要，但是若無實踐智慧就猶原停留佇知識或是理念上。箴言提醒咱要將智慧成作生活中的行動，才能帶來真正的福氣。所以智慧需要有行動才會帶來果效。實踐智慧就能互咱避免錯誤。

    箴言八11講：「因為智慧比紅寶石較好；人所意愛的攏𣍐當及伊比。」兼採知識能充實咱的頭腦，但是智慧欲更新咱的生命；知識能互咱成功，但是智慧能互咱真正幸福。所以咱呣只是追求知識，更加要追求智慧，因為智慧是來自上帝，是超越世上的財富，帶互咱真正的福氣。願咱攏聽見智慧啲叫，並且願意接受來實踐，互咱成作蒙福的人。