◎更新及向望的生命(林後五16-18) 

    今仔日是新年的第一個主日，也是新的開始，當咱翻開新的月曆，就親像翻開人生的新頁，無論過去一年咱有多少挑戰或是失敗，新的一年攏互咱有重新出發的機會。聖經講：「按呢，無論什麼人，若及基督結連就是新創造的人；舊的已經過去，今攏變做新的。」（林後五17）咱若佇基督的裡面，就通得著新的生命，無閣互過去所捆綁，有新的方向及盼望。咱呣通因為過去的失敗而失去勇氣，咱需要有更新及向望的生命。新的一年，親像一本全新的筆記，佇等候咱去寫新的故事。

●更新的生命

    過去的一年咱兼攏真順利？佇工作上可能互咱遇著困難，佇人際關係中可能互咱受傷，多多的代誌兼採無達到咱所期待的目標。遮的經歷互咱感到嚥氣，甚至感覺自己無路用，但是新年提醒咱：過去的錯誤呣免成作咱永遠的負擔，咱相信冬天閣卡冷，春天總是會來。面對新年咱要有行動，呣只是外在換新，生命的更新更加重要。咱要去想過去有甚麼值得感謝的？或是咱需要調整的？互咱面對新年知道怎樣去修正。當咱的生命被更新，就會將無需要的東西丟掉，留下有價值的部分，互新的年更加美麗。

    佇羅十二2講：「毋通互世俗同化，顛倒著互上帝給恁改造，心志得著更新，互恁通辨別什麼是上帝所歡喜，看做好，閣完全的旨意。」保羅提醒咱，真正的生命更新呣是外在的改變，是心意的更新。世界的價值觀常常引誘人追求短暫的利益及享樂，所以咱要互上帝的話取代世界的聲，用新的眼光去看待生命，當咱心意更新了後，才會看見上帝所交代的使命，來分辨甚麼是上帝歡喜的旨意。生命更新不是一時的情感的衝動，而是持續的行動，每一日攏是更新的過程。願咱佇新年的開始，要有更新的行動來面對未來。

●向望的生命

    新年最媠的福氣就是有向望，有向望的生命就會充滿氣力，因為咱的向望是起造佇上帝呣是人，所以雖莽咱呣知未來會遇著什麼代誌，但是咱相信上帝有祂美好的備辦佇咱的生命中，兼採踮佇黑夜中，上帝也欲親像的燈塔引導咱，互咱有氣力面對頭前的路。向望是上帝互咱新年的禮物，因為咱佇祂的內面咱可以得著氣力，佇這個新的起點，願咱帶著新的氣力來寫落咱生命的故事。

    人生的旅程常常有挑戰及困境，當咱感到厭倦失望的時，向望就親像黑暗中的燈火，是咱繼續向前的氣力。向望不是空想，因為咱知道上帝的應許是真實的。佇詩篇四二11講：「我的心啊，你啥事鬱悴？啥事佇我的內面著急？你著向望上帝，因為我猶久欲謳咾伊。伊是我的面的榮光，亦是我的上帝。」這句經文提醒咱，向望呣是來自環境，是來自上帝的同在。

    向望互咱人生的旅程充滿氣力，這是信心的交託，兼採未來有多多的無確定性，但是上帝的應許永不改變，祂的氣力互咱佇旅程中攏無驚惶。當咱面對挑戰的時，上帝的向望互咱攏無拔倒，祂欲扶持咱走過艱難的路徑。當咱感到無力時，請咱要會記得，若是有上帝的氣力加添佇咱的身上，咱就欲親像鷹鳥展翅飛高，跑也無厭行也無倦。

    新的一年就親像一張白白的紙，無有任何汙穢及痕跡，上帝將這張紙囥佇咱的手中，咱相信佇祂的裡面，每一日攏可以是新的開始。過去一年咱可能有失敗、軟弱，甚至行了上帝所生氣的路，但是上帝無要咱一直背著舊的包袱走下去。咱要相信祂佇曠野開道路，佇沙漠開江河，兼採環境看起來是乾枯、無有希望，祂欲互咱有氣力。願新的年咱攏充滿上帝的恩典。