◎用信心來備辦(路加一30-38) 

    咱欲備辦耶穌的出世，呣是外在的儀式，是內心的相信，就是用信心來堅持咱所信的。親像施洗約翰備辦主的道路，亞伯拉罕行出信心的腳步，馬利亞雖莽無完全明白上帝的旨意，但是她願意用信心勇敢接受上帝的計劃來迎接基督的降生。當天使對馬利亞講：「馬利亞，毋免驚，因為你有得著上帝賜福。你會懷孕生一個後生，你著給伊號名叫做耶穌。」(30-31)其實馬利亞猶未真清楚，但是她卻願意用信心來回應講：「我是主的女婢，願照你的話佇我身上實現。」（38）佇這個待降節期咱要用信心來備辦，互上帝救贖的計畫成就佇咱身上。

●信心是接受上帝的計劃 

    佇人生的旅程中，咱常常渴望自己可以掌握方向，期待一切攏照自己的安排來進行，若是聖經卻提醒咱講：「著專心倚靠上主；毋通倚靠家己的聰明。佇你一切的所做攏著尊重伊，伊會指點你的路。」（箴三5-6）這句話是咱信心的中心，就是毋通倚靠家己的聰明，而是接受上帝的計劃。就親像馬利亞佇這麼少年就面對這個極大的挑戰，但是她願意用信心來回應，接受上帝的計畫。

    接受上帝的計劃，並呣是代表咱已經完全明白祂的安排，因為真多時陣祂的道路超過咱的理解，甚至可能及咱的期待顛倒。但是信心的媠就是雖莽咱並無全部攏看見，但是咱願意相信祂有美好的安排，佇這其中來看見盼望。信心呣是消極的順服，而是一種積極的信靠，互咱佇有限的生命中及無限的上帝相連結。

●信心是等待中的行動

    信心並呣是停留攏無震動，乃是佇等待中猶原堅持所信的，親像亞伯拉罕佇猶未看見應許地之前，就踏上這段旅程；以色列百姓佇曠野中，雖莽呣知何時才能進入迦南地，猶原逐日收嗎哪、遵守上帝的律法。遮的記載攏佇提醒咱，信心呣是空等，是佇等待中的行動。 

    有時等待會互咱不確定及饒疑，因為咱會渴望馬上看見結果，但是只是停留卻無有進展咱就會不安，但是信心卻教示咱，雖莽答案猶未臨到，咱猶原要佇日常中活出信心。這就親像祈禱是要持續的，佇生活中要保持對上帝的信心，佇困境中猶原選擇盼望，所以等待呣是浪費，是佇操練咱的信心。 

●信心是盼望的光

    當困境、失落、病痛或是孤單遮蓋咱的時，咱頭前的路就親像佇黑暗中互咱看無路，佇這個黑暗的時刻，人的心最容易失去方向，這時信心就親像光，欲照光黑暗而帶來盼望。親像佇希伯來書十一1所講：「信是對所向望的事有把握，對無看見的事會當肯定。」這段話提醒咱，信心呣只抽象的感覺，是一種真實的氣力，能夠佇咱最艱難的時刻幫助咱。 

    信心之所以是盼望的光，是因為它互咱看見超越現實的可能，當環境親像無有出路，信心給咱講：上帝猶佇掌管，祂的計劃有美好的安排。這個光不一定是改變環境，是欲改變咱的心，互咱佇等待中猶原有勇氣，佇痛苦中猶原堅持。 

    兼採咱今行佇一段黑暗的路，咱心中充滿饒疑及不安，請咱會記得，信心呣是否認黑暗，是佇黑暗中猶原選擇相信光的存在，當咱願意將眼光轉向上帝，祂的光就能佇咱的心中點燃盼望。馬利亞的信心提醒咱，真正的信心呣是完全的理解，是願意順服；呣是無有驚惶，是願意選擇相信；呣是靠地位，是倚靠上帝的恩典。她回應上帝講：「我是主的女婢，願照你的話佇我身上實現。」這是咱信心的典範，願咱佇待降節中，咱也願意親像馬利亞同款用信心來迎接耶穌的誕生。