◎敬重細大人(以賽亞書46:3-4) 

    今仔日這段經文互咱看見，佇咱出世到年老，上帝對咱的疼是不變的。祂呣是一位離咱遠遠的上帝，乃是一位對咱出世開始就一直陪伴咱到老的天父。咱的身體會改變，環境會改變，甚至咱的心也會改變，但是上帝的疼卻未會改變。祂既然創造咱，祂就未放捨咱，祂知道咱的軟弱，也願意拯救咱。

    咱的上帝按呢講：「恁一下出世我就一直給恁抱，對出母胎就給恁揹。到恁年老，我攏像款；到恁頭毛白，我猶會給恁扶持。我創造恁，會給恁抱；我會繼續給恁揹，給恁解救。」上帝應允咱，佇咱出世開始，祂欲一直抱咱揹咱，雖莽咱已經長大、變老、頭毛白，祂猶是也是按呢，這是一生的承諾。所以年老呣是被上帝未記得的階段，而是上帝特別眷顧的時刻。上帝既然按呢講，咱就要效法上帝的心，敬重咱身邊的細大人，因為𪜶是上帝所疼的人，這才是合上帝心意的表現。佇細大的身上咱通看見甚麼？

◎看見信仰的模範

    當咱看見細大人的信仰，就親像看見一欉老樹佇風雨中猶原站在，in的生命經歷了多多挑戰，但是in猶原信靠上帝，這就是咱信仰的模範。多多細大人佇信仰上比咱經歷的閣卡多，所經過的風浪、所領受的恩典也攏超過咱的經驗，in兼採無真好的口才，但是in的生命就親像一篇活的講章，互咱同看見來學習。in經歷過人生的多多風雨，猶原堅持信靠上帝，互人的年齡呣是限制，是上帝恩典的累積，𪜶的故事、見證及教導，幫助咱可以更加認識上帝的信實。

◎看見生命的智慧

    佇現代社會中，智慧常常被誤解是學歷、地位或是能力，若是聖經提醒咱，真正的智慧是來自及上帝同行的生命經歷。細大人智慧的累積，是咱呣通忽略的重要資產，in佇人生的過程中行過多多無同的路，遮的真實的經驗互in加添生命的智慧。in佇遮的經驗中學習分辨是非、也看透人情世事，遮的的智慧呣是冊本上的知識，是佇生活中所磨練出來的寶貴經驗，所以佇伯十二12就講：「年歲多的有智慧；歲壽長的有見識。」咱要敬重細大人的生命，因為佇𪜶的身上咱可以看見生命的智慧。

◎看見歲月的尊榮

    這世間多多事物攏會因為時間來褪色，但是上帝互咱的生命，卻是因為歲月而更加尊榮。佇細大人的身上咱無看見細綿綿白拋拋，反轉是多多皺紋、多多白頭毛，in頭殼也變鈍、行路也變慢，遮的攏互咱看見歲月的腳跡，遮的腳跡攏記錄著in生命漸漸佇老化，這呣只是歲月的痕跡，更加是見證對出世到頭毛白的尊榮。歲月未奪走人生命的價值，是欲互咱的生命更加尊榮，因為生命的價值不在外在的勇壯，是在佇內在的成熟及深度。

    佇聖經中，上帝呣只使用少年人，祂也大大使用細大人，親像摩西八十歲的時才開始帶領以色列百姓出埃及；撒拉佇年老時才得著所應許的子以撒；約伯佇年老才真正見證上帝的偉大及公義，遮美好的見證攏互咱看見歲月的尊榮。咱呣是只看細大人的歲月，也要看見in身上的尊榮。

    今仔日這段經文呣只是上帝對以色列的應許，更加互咱看見上帝疼世間人的心，祂佇咱出母胎後就一直抱咱、揹咱，一直到頭毛白也是像款，祂欲繼續抱咱、揹咱、解救咱，這是上帝疼咱的顯現。上帝並無因為人年老就無閣顧咱，祂欲互咱一世人攏領受祂同在的福氣。敬重細大人呣是一時的行動，是持續的態度，願咱攏通藉著身邊的細大人得著卡多的福氣。