◎咱怎樣看耶穌(路加十九28-40)

    讀聖經呣只是理解文字，閣卡好是進入聖經那時的情境，親身來感受上帝欲對咱所講的話，這款的方式呣若幫助咱有閣卡深的理解，更加可以互聖經的記載好親像發生佇咱的身邊，呣只是一本冊。今仔日是棕樹主日，也就是耶穌最後一次進入耶路撒冷的情景，群眾佇路邊歡迎耶穌，甚至大聲謳咾上帝講：「奉主的名來的王應該受稱讚！願天頂有和平，榮光歸互至高的上帝！」(38)但是這款光榮的情境佇短短幾日後就變調，同款的城市卻充滿仇恨，最後將耶穌釘佇十字架頂。這呣甘單是一段歷史事件，更加是一場信仰的征戰，如果咱也是群眾中的一個，咱對基督的認識是怎樣，咱閣是怎樣看耶穌呢？

●對期待到誤解

    當耶穌騎著驢仔子進入耶路撒冷時，群眾真熱烈來迎接祂，大部分的群眾將𪜶家己的外衫鋪佇路裡，嘛有人剉樹椏鋪佇路裡給伊歡迎。前行後隨的群眾喝講：大闢的子，和散那！奉主的名來彼位應該受稱讚！至高的上帝，和散那！」（馬太廿一8-9）。這個「和散那」就是「求你拯救阮」的意思，因為遮的群眾認為耶穌就是他們所期待久久的彌賽亞，期待祂可以導他們推翻羅馬政權，建立一個屬地的王國，這是群眾的期待。

    若是遮的群眾誤解了耶穌來到世間的目的，致到原本的熱情變作怨恨，若是咱是怎樣看耶穌呢？咱是呣是也將祂看作滿足咱個人期待的王，卻呣是順服祂的旨意；咱是呣是認為耶穌是欲來完成咱的計畫，呣是引導咱進入祂的計畫中，咱若無真正認識耶穌，就可能及遮的群眾同款，將祂釘佇十字架頂。

●耶穌的哀哭

    經文接續記載，耶穌啲欲到耶路撒冷，看著城，就為著城哀哭，講：「我實在真愛你今仔日知按怎才會行向和平！毋拘此個事現在對你蓋啲，互你看𣍐著。」(路加十九41-22)耶穌看見遮的群眾因為誤解然而拒絕祂，致到後來耶路撒冷城被毀滅，耶穌就哀哭。耶穌的哀哭表達祂心的呣甘，祂無要人因為悖逆而走向滅亡，祂致意這世間所有的人，祂的目屎顯現出上帝的憐憫，就是上帝疼的本性。咱兼曾因為自己的固執而失去上帝的恩典，致到耶穌為咱流落目屎；咱兼曾因為心內剛硬呣願悔改，互耶穌為咱哀哭。耶穌的目屎呣是絕望，是帶著盼望，因為祂一直打開雙手等待咱轉來祂的懷抱。

●誤解後的背叛

    耶穌入城的時，群眾是佇路邊迎接祂，但是幾日了後，他們卻佇彼拉多面前喊講：「釘他十字架！」（馬太廿七22-23）。這個誤解互歡迎變作背叛，這形成強烈的對比。耶穌的行動因為無符合他們的期待，他們就選擇拒絕祂，加上宗教領袖的煽動，他們既然要求釋放巴拉巴(Pa-lia̍p-pa)而將耶穌交互彼拉多處決，遮的群眾一錯再錯，失去了這個寶貴的恩典。佇遮互咱看見，人真容易受到周圍環境所影響，原本並無強烈反對的人，也受著群眾的影響，就隨大家喊講：「釘他十字架！」有時人的信仰真淺，一旦耶穌無滿足自己的期望，就會越身離開祂。咱的信仰兼會勘得受考驗？

    咱兼曾想過，耶穌及我的關係是什麼？咱是怎樣看耶穌？佇聖經中咱有看見耶穌的多多角色，遮的角色攏是欲幫助咱的生命，互咱因為祂來得著豐盛。信仰呣是遙遠的教條，是及祂建立親密的關係，親像朋友、救主、好的牧者或是老父等等，祂呣是冷冷的上帝，是一位疼你、陪伴你到一生的主，咱是怎樣看祂呢？

    耶穌最後的入城呣是終點，是一個新的開始，祂佇十字架頂代替人的罪，彰顯了上帝的救贖，互咱承受上帝永遠的國度，來得著永遠的活命。十字架的恩典呣只是滿足咱短暫的需要，願咱一生攏及祂同行到進入天頂的家。