本週祈禱文
天父上帝阮感謝祢!
揀選阮有福份成作祢的子兒,
求祢賜阮堅定的信來抓條祢,
願意順服祢來合佇祢的心意。
阮相信凡事攏踮佇祢的攝理,
祢的信實是阮一世人所依靠,
阮欲仰望祢也將自己交託祢,
互阮的信得著祢永遠的福祿。
幫助阮無因為困境就離開祢,
赦免阮軟芷也賜阮相信的心。
奉主耶穌的名祈禱,阿們!
時 間:09時50分 | ||
講 道:賴信頌 牧師 | ||
司 會:林信連 長老 | ||
司 琴:詹虔信 姊妹 | ||
前奏 | 司琴者 | |
宣召 | 司會者 | |
聖詩 | 第173首 | 會眾 |
信仰告白 | 新的誡命 | 會眾 |
讚美 | 少年團契 | |
啟應 | 第23篇 | 司會者 |
祈禱 | 司會者 | |
聖經 | 哥林多後書四:13-18 | 司會者 |
讚美 | 聖歌隊 | |
講道 | 有信才有信仰 | 賴信頌牧師 |
祈禱 | 賴信頌牧師 | |
聖詩 | 第341首 | 會眾 |
奉獻 | 第306首A(4.5) | 會眾 |
報告 | 司會者 | |
平安禮 | 會眾 | |
頌榮 | 第509首 | 會眾 |
阿們頌 | 會眾 | |
祝禱 | 賴信頌牧師 |
天父上帝阮感謝祢!
揀選阮有福份成作祢的子兒,
求祢賜阮堅定的信來抓條祢,
願意順服祢來合佇祢的心意。
阮相信凡事攏踮佇祢的攝理,
祢的信實是阮一世人所依靠,
阮欲仰望祢也將自己交託祢,
互阮的信得著祢永遠的福祿。
幫助阮無因為困境就離開祢,
赦免阮軟芷也賜阮相信的心。
奉主耶穌的名祈禱,阿們!
主日聖工 | 本 週 | 下 週 |
---|---|---|
講道 | 賴信頌 | 賴信頌 |
司會 | 林信連 | 林美鈴 |
司琴 | 詹虔信 | 王瓊蓮 |
司獻 | 陳昭堰 陳秀英 李美娟 | 高惠華 莊以信 潘仁傑 |
當值長執 | 陳昭堰 | 陳秀英 |
插花 | 林秋梅 | 戴錦幸 |
主日學 | 林芳如 | 林芳如 |
音樂服事 | 少年團契 | 青年團契 |
主日招待 | 李淑媛 高美玲 | 林主文 蔡惠玉 |
交通管理 | 劉文程林鴻基 張運東 | 龍光明 劉曉祥 張孫益 |
影音小組 | 戴莉婷 林聖輝 | 李明忠 何沐恩 |
1.教會暑期營會-『我是EQ小主人』,訂7/12(五)晚上6:45-9:00~7/13(六)上午8:45-17:00,升小學一年級~升國中一年級,報名費用:
每名100元,填寫報名表資料,將活動費用交互主日學校長.老師,報名至6/23截止。
2.七月26-28日終會青年部佇先鋒大甲營地舉辦「青少年探索營----愛‧不單行」,對象升國一至升高三,6月30日前報名2000元
(原價2500元),請向溫幹事報名。
3.五月份收支報告:收入:379793;支出:357848 結存;21945,詳情請看公告欄。
4.故范光雄弟兄遺族感謝兄姐佇治喪時間的關心及代禱,願上帝賜福大家。
◎互主行佇咱的頭前(申一19-33) 賴信頌牧師
白沙岬燈塔是惦佇桃園市觀音區的海邊,佇1898年開始興建,1901年1月開始發光。這座燈塔最特殊的所在,就是它是台灣唯一使用紅磚及石頭起造完成的燈塔,及台灣其他使用水泥起的燈塔無同款,塔身為雙層磚造圓塔,是日本人佇臺灣所起的第三座燈塔。那時的燈高約37公尺,但是佇二次世界大戰期間曾受戰鬥機撞壞,戰後修復燈塔,將燈高減到27.7公尺,是目前保存最完整的日據時代的燈塔。
摩西帶領以色列百姓出埃及後,經過四十年的曠野流浪,最後到佇迦南地邊界。此時摩西回憶過去,心中有多多感慨,就向以色列百姓講話。回想過去佇埃及作奴隸的時,生活非常痛苦,離開埃及的時是非常緊張,前無路後有追兵,好加在有上帝大能的帶領,互𪜶平安渡過紅海,來到加低斯‧巴尼亞。照理來講,𪜶現在的心境應該要真歡喜,因為𪜶佇欲進入上帝所應允的地。若是𪜶佇這時卻起了疑心,懷疑上帝的話及應允,對上帝失去了信心。
𪜶埋怨講:「因為上主怨恨咱,所以導咱出埃及地,欲將咱交互亞摩利人,給咱剿滅。今咱是欲去什麼款所在?咱的兄弟互咱失志;𪜶給咱講:『遐的人民比咱較勇較樂,城闊大閣堅固,高到抵天;阮閣佇遐看著亞衲族的人。』」(27-28) 𪜶之所以會按呢失志,就是過去𪜶派出十二個人去探查迦南地,只有迦勒及約書亞講那是極媠的所在,呣免驚𪜶。若是遮的百姓所選擇的是另外十個人所報的壞消息,所以𪜶就驚,毋肯入去彼個地。𪜶未記得當時是按怎樣出埃及的,摩西勉勵𪜶講:「毋免驚,嘛毋免懍𪜶。行佇恁頭前的上主 — 恁的上帝會為恁交戰,親像伊佇埃及為著恁所做的仝款。(29-30)摩西提起一個真重要的信仰觀念,就是上主佇咱的頭前行為咱交戰,咱就毋免驚,嘛毋免懍𪜶,但是𪜶卻聽未落。
對這個事件中,互咱再次來反省咱對上帝的信心及順服到怎樣。當以色列人佇迦南邊界的時,𪜶看見欲進入迦南地並無親像𪜶想像的那麼容易,所以𪜶呣肯入去,𪜶因為外在的挑戰而失去對上帝的信心。這互咱看見,信主的人同款會遇著困難,重要的是咱要有信心互主行佇咱的頭前,咱只要盡咱該盡的本份,上帝就欲佇咱的頭前親自引導,替咱備辦咱所需要的。上帝要咱參與佇祂的旨意中,呣是坐佇等候上帝的應允;上帝欲成作咱的幫助來得勝,但是呣是要咱什麼攏呣免做。
上帝過去是怎樣帶領𪜶出埃及,𪜶攏親身經驗過,如今就欲進入迦南地,遮的百姓既然懷疑上帝的應許,這互咱看見以色列百姓信心的軟弱,無有信心就生未出盼望。十二個偵探去同一個所在,看見同一件代誌,但是卻有完全不同的領受,最大的原因就是信,有人看見的是困難,但是有人看見的是上帝的應允。既然上帝佇咱的頭前行,咱就通對所向望的事有把握。
佇咱的日常生活中,咱的行事作人若親像以色列百姓同款,只注重佇目周所看會見的,卻未記得佇咱頭前的上帝,咱就會一步一步偏離正道,失去上帝互咱的應許。佇咱每一擺佇決定的時,咱若相信上帝佇咱頭前佇行,咱就通充滿氣力來面對,因為有上帝擋佇咱的頭前,咱就無甚麼通好驚的。
咱的人生親像行佇曠野,好親像無有地圖,但是卻有上帝佇這中間佇帶領,親像摩西所講:「伊一路行佇恁的頭前,給恁尋安營的所在;暝時用火,日時用雲,指示恁著行的路。」(33)求主互咱憑著信心專心倚靠祂,呣是倚靠自己的聰明,知道作咱當作的本份,盡咱該盡的責任,然後將所有的結果攏交託互祂。咱要相信無一件事是偶然的,一切攏佇上帝的計畫中,因為上帝行佇咱的頭前。