本週祈禱文
天父上帝阮感謝祢!
藉著基督對死復活來救贖阮,
互阮對死亡的權勢中得釋放。
求祢將復活的能力賞賜互阮,
互阮活出祢的樣式來見證祢。
因為有主的復活帶互阮永活,
阮相信祢就是阮得救的根源,
阮欲仰望祢的拯救直到永遠。
奉主耶穌的名祈禱,阿們!
時 間:09時50分 | ||
講 道:賴信頌 牧師 | ||
司 會:周鴻鈞 執事 | ||
司 琴:詹虔信 姊妹 | ||
前奏 | 司琴者 | |
宣召 | 司會者 | |
聖詩 | 第52首 | 會眾 |
信仰告白 | 上帝十條誡 | 會眾 |
讚美 | 婦女團契 | |
啟應 | 第2篇 | 司會者 |
祈禱 | 司會者 | |
聖經 | 希伯來書五 7-10 | 司會者 |
讚美 | 聖歌隊 | |
講道 | 永遠得救的根源 | 賴信頌牧師 |
祈禱 | 賴信頌牧師 | |
聖詩 | 第123B首 | 會眾 |
奉獻 | 第306首A(4.5) | 會眾 |
報告 | 司會者 | |
平安禮 | 會眾 | |
頌榮 | 第512首 | 會眾 |
阿們頌 | 會眾 | |
祝禱 | 賴信頌牧師 |
天父上帝阮感謝祢!
藉著基督對死復活來救贖阮,
互阮對死亡的權勢中得釋放。
求祢將復活的能力賞賜互阮,
互阮活出祢的樣式來見證祢。
因為有主的復活帶互阮永活,
阮相信祢就是阮得救的根源,
阮欲仰望祢的拯救直到永遠。
奉主耶穌的名祈禱,阿們!
主日聖工 | 本 週 | 下 週 |
---|---|---|
講道 | 賴信頌 | 賴信頌 |
司會 | 周鴻鈞 | 莊以信 |
司琴 | 詹虔信 | 莊雅如 |
司獻 | 高惠華 莊以信 潘仁傑 | 周鴻鈞 吳靜慧 陳正一 |
當值長執 | 潘仁傑 | 陳正一 |
插花 | 戴錦幸 | 何麗華 |
主日學 | 主日禮拜 | 徐聖惠 |
音樂服事 | 聖歌隊 婦女團契 | 聖歌隊 |
主日招待 | 林主文 蔡惠玉 | 高美華高麗蘭 |
交通管理 | 龍光明 劉曉祥 張孫益 | 李有用陳文星潘志豪 |
影音小組 | 張茂誠 王仁杰 | 溫首春龍奕安 |
1.本主日是救主復活榮耀的日子,願復活的主成做咱生命的盼望,保守咱的心懷意念。
2.本主日禮拜後舉行信徒造就會,本日主題:「為什麼要祈禱」,會後有準備午餐,歡迎兄姊留步參加。
3.四月7日(下主日)禮拜中將舉行聖禮典,若有感動要受洗的兄姐請向溫幹事報名,以利事工順利。
四月3日(三)祈禱會後將召開聖禮典前小會,請小會員準時出席。
4.埔里十字園訂佇4月4日(四)上午10點佇園區教堂舉行本年度清明追思感恩禮拜,歡迎參加。
連假四天開放時間上午9點-下午5點。
◎主欲用你(馬可十一1-11) 賴信頌牧師
今仔日是棕樹主日,棕樹主日就是進入耶穌基督受難週的開始,就是耶穌對騎驢仔子入進耶路撒冷城、被補、受苦、受釘、到死而復活的過程,這是主耶穌佇世間的最後一個禮拜。遮的耶路撒冷城的百姓手拿著代表勝利、歡喜及征服的棕樹枝佇路邊歡迎耶穌進城,若是耶穌並無因為按呢來歡喜,因為耶穌知道現在「和撒那」的呼聲,佇幾天了後就會變作「釘祂十架」。對棕樹主日到復活節,這段時間是主耶穌最心疼的一禮拜,祂經歷了眾人的背叛,然後將祂釘死。
棕樹佇聖經中的象徵是喜樂,咱著互主耶穌成作咱人生中的棕樹,就欲互咱得著歡喜及興旺,所以詩人講:「義人會興旺親像棕樹。」(詩篇九二12)過去猶太人使用棕樹枝來歡迎地位崇高的人,那時群眾聚集佇城門口,手拿著棕樹樹枝來迎接耶穌入城,這是他們對耶穌的敬意。
耶穌為怎樣欲騎著驢仔子入城?這有一個真重要的信息,就是耶穌來是欲帶來和平呣是爭戰,耶穌按呢行就是應驗先知撒迦利亞所預言的話講:「錫安的子民啊,著歡喜快樂!耶路撒冷的子民啊,著歡呼!你看,你的君王來啦!伊勝利凱旋;伊謙遜騎驢,就是騎驢仔子。」(亞九9)今耶穌故意騎著驢仔子入城,就是欲互人知道他所帶來的是和平,這才是耶穌進入咱生命的目的。
猶太人歡迎耶穌是因為他們期待耶穌佇地上建立以色列的王國,但他們無了解耶穌來世間是欲解救咱脫魔鬼的權勢,互咱得著永活,並且建立上帝的國度。所以當遮的百姓無法度得到他們所期待的君王,過了幾日,他們就對彼拉多喊講:「釘他十字架!」,這款的景情是賴呢互主耶穌艱苦。面對這款的結果,我心裡也佇想,當咱所期待的及主互咱的無同的時,咱兼有可能再次將耶穌釘佇十架頂?答案是甚麼?只有你知道。
佇主耶穌欲入城之前,祂要學生先去牽一隻驢仔子來,因為主欲用伊。這個代誌互咱一個真重要的功課,就是咱兼願意親像驢仔子互耶穌使用呢?耶穌怎樣是使用這隻卑微的驢仔子,呣是用戰馬呢?若是找無戰馬,至少麻牽大隻驢仔,怎樣偏偏選一隻驢仔子?用人的經驗來看,咱大概攏會認為大隻的卡理想,但是上帝卻呣是用大的來完成任務,反轉是用遐的卑微的。當咱願意互主使用,攏欲得著榮光。
主欲用謙卑、微小的人來服事祂,因為上帝厭惡驕傲的人,欲互驕傲的人見笑。咱要常常提醒自己,著佇主面前謙卑來互主用,設始有所成就,也要迴轉親像囝仔,將榮光歸互上帝,這款的人佇天裡就是大的。
這隻驢仔子可以被主選用,實在真有福氣,所以咱要佇少年的時就準備互主使用,呣通是等到年老鬍鬚白才願意互主使用。先知耶利米曾受聖靈的感動講:「人應該佇少年的時背伊的軛,因為這是好。」(哀三27)。一隻驢仔子並無甚麼通榮耀的,是主得榮耀這隻驢仔子才得榮耀,所以呣是驢仔子有甚麼能力,事奉上帝的人也是按呢,如果咱所作的只是求自己的榮耀,這款服事是無有榮光。
棕樹主日是受難週的開始,是耶穌的生命最重要的轉變,有真嚴肅的意義。佇驢仔子的身上互咱看見上帝的呼召,這也是上帝對咱的呼召,咱兼願意照主的心意付出代價,互咱的信仰對相信到佇行動。咱若只是喊講:「和散那!奉主的名來彼位應該受稱讚!」卻呣願意付上代價來跟隨祂,咱就無法度經驗上帝的路。耶穌最後的入城,就是為了人類的生命,欲拯救人類「出死入活、來得自由」,就是欲實踐祂對全人類「完全的疼」,願這份疼佇咱的生命中帶互咱多多福氣,有主耶穌咱就妥當。