◎面對生命的試探(太四1-11)                賴信頌牧師

    這世間有多多的試探，有金錢的是試探、情慾的試探、名聲地位的試探、貪心的試探等等，呣是人呣知試探中的危險，是因為它的吸引力實在真迷人，人只看眼前卻無想到後果，最後就佇試探中失敗阿，自古以來多多英雄也是佇試探中拔倒，當然基督徒也無例外。佇主耶穌教示咱的祈禱文中有一句話講

：「勿得導阮入佇試」，字面上好親像是講：無互阮進入試探中

，但是這是無可能的，因為試探無所不在，人佇世間無法度閃避試探的存在，所以這句話卡正確的意思是講：「求上帝互咱知道怎樣抵抗試探」。今仔日的經文是記載耶穌受洗了後接受魔鬼的試探，耶穌並無因為魔鬼的試探來失敗，祂留互咱面對試探的秘訣。

    佇約壹二16：「因為一切屬世間的，親像肉體的慾望、目睭的慾望、展家己的財富等，攏毋是對父來，是對世間來的。

」佇遮所提肉體的慾望、心靈的慾望、財富的慾望，也就是耶穌所受的三種試探，這三種的試探也會常常發生佇咱的身上。

◎肉體需要的試探

    肉體的需要是身軀的試探，魔鬼知道耶穌禁食四十暝日後，肉體已經真枵，所以就佇耶穌肉體最軟弱的時出現，欲互耶穌陷入肉體的試探中，牠對耶穌試探的第一步是講：「既然你是上帝的子，命令諸個石頭變做餅！」(3)為甚麼魔鬼不要自己變餅互耶穌呢？反轉是要耶穌自己對石頭下「命令」呢？主要的目的就是要耶穌聽它的話去行。若是耶穌真正照牠的話去作，兼呣是變作上帝的子聽趁魔鬼的話？或是上帝的子互魔鬼指揮啊？耶穌知道魔鬼的詭計，所以耶穌應牠講：「聖經有記載：人啲活毋若倚靠餅，是倚靠對上帝的嘴所出的逐句話。」(4)今仔日咱活佇世間，呣是只靠食物的供應，是要倚靠萬全能的上帝。

◎心靈慾望的試探

    第二個試探就是心靈慾望的試探。魔鬼將耶穌帶到聖殿厝頂最高的所在，聖殿是猶太人信仰最重要的地點，聖殿厝頂最高的所在有一個陽台，那是一個互人攏會注目的所在，有真重要的地位。所以聖殿厝頂最高的所在是佇象徵甚麼呢？豈呣是猶太人的宗教中心嗎？豈呣是佇象徵宗教權威的最高位置嗎？這就是人所欣慕的名聲地位啊。

    魔鬼引誘耶穌「跳落去」，就是跳落去權力的中心，跳落去人人欽羨的宗教權力裡面，佇遐有上帝的天使佇保護祂，人人攏欲敬畏祂、崇拜祂，這款的結果實在真吸引人，互人只看自己無看上帝。耶穌應講：「聖經閣有記載：毋通試探主 — 你的上帝。」(7)上帝的同在呣是用人的利益來證明，順趁上帝才是上帝同在的最好證明。

◎權力財富的試探

    肉體及心靈的試探攏總失敗，魔鬼最後就用最吸引人的權力及財富來試探耶穌。魔鬼閣導耶穌上一個真高山，將世上萬國及𪜶的榮華互伊看，對伊講：「你若仆落來拜我，諸個一切我攏互你。」(8-9)這是賴呢誘惑人心的話啊，是世上萬國及榮華呢！條件竟然是那麼簡單，只要向魔鬼仆落來拜就通得著。魔鬼對耶穌講只要向牠仆落來拜，就可以得到人人攏想欲要的東西，若是耶穌應講：「撒旦，走！聖經有記載：著拜主 — 你的上帝，只有服事伊。」(10) 耶穌每擺回答魔鬼的試探，攏是掠聖經的話，因為上帝的話才是互人抵擋試探最好的良藥。咱要相信上帝是掌管一切的源頭，要相信祂應允的話。

    耶穌已經贏過魔鬼的試探，祂要咱倚靠對上帝的嘴所出的逐句話來生活，毋通因為自己的利益來試探主，只有敬拜主上帝，祂就欲賞賜咱所需要的，遮的攏是面對生命試探的秘訣。