本週祈禱文
天父上帝阮感謝祢!
因著祢的疼互阮聚集作伙,
用著心靈及誠實來敬拜祢。
求祢除去阮的自私及自義,
互阮呣只是關懷信徒的家,
也願意關懷阮的厝邊隔壁。
幫助阮有上帝國來的遠見,
也願意掠耶穌的心作意念,
願祢的國降臨佇大里教會,
互人有機會得著祢的救恩。
阮按呢祈禱攏是奉主耶穌的名求!阿們
時 間:09時50分 | ||
講 道:賴信頌 牧師 | ||
司 會:林美鈴 長老 | ||
司 琴:龍慧珍 姊妹 | ||
前奏 | 司琴者 | |
宣召 | 司會者 | |
聖詩 | 第168首 | 會眾 |
信仰告白 | 新的誡命 | 會眾 |
讚美 | 少年團契 | |
啟應 | 第5篇 | 司會者 |
祈禱 | 司會者 | |
聖經 | 馬太福音十二 46-50 | 司會者 |
讚美 | 聖歌隊 | |
講道 | 順服、關懷、實踐疼 | 賴信頌牧師 |
祈禱 | 賴信頌牧師 | |
聖詩 | 第412首 | 會眾 |
奉獻 | 第306首A(4.5) | 會眾 |
報告 | 司會者 | |
會員和會 | 會眾 | |
頌榮 | 第511首 | 會眾 |
阿們頌 | 會眾 | |
祝禱 | 賴信頌牧師 |
天父上帝阮感謝祢!
因著祢的疼互阮聚集作伙,
用著心靈及誠實來敬拜祢。
求祢除去阮的自私及自義,
互阮呣只是關懷信徒的家,
也願意關懷阮的厝邊隔壁。
幫助阮有上帝國來的遠見,
也願意掠耶穌的心作意念,
願祢的國降臨佇大里教會,
互人有機會得著祢的救恩。
阮按呢祈禱攏是奉主耶穌的名求!阿們
主日聖工 | 本 週 | 下 週 |
---|---|---|
講道 | 賴信頌 | 賴信頌 |
司會 | 林美鈴 | 賴美珍 |
司琴 | ||
司獻 | 陳人川.高惠華.莊以信 | 陳昭堰.陳秀英.李明忠 |
當值長執 | 戴主賜 | 劉永銓 |
插花 | 林秋梅 | 林秋梅 |
主日學 | 張瑋庭 林芳如 | 薛素珍 江言真 |
音樂服事 | 少年團契 | 學青團契 |
主日招待 | 李淑媛 高美玲 | 高美華 吳靜慧 |
交通管理 | 李有用 陳文星 陳正一 | 胡明輝 潘志豪 林鴻基 |
影音小組 | 王仁杰 | 張勇裕 |
1.因應疫情高感染傳播風險場域,敬請大家配合政府政策,請來參加禮拜的兄姐務必戴口罩。
2.本日禮拜中將舉行本年度定期和會,請留步。
和會中:
(1)聽取各部事工及會計報告。
(2)聽取新年度事工計劃。
(3)選派委員檢查年度會計事務。
(4)審核預算等。請關心代禱出席
3.松年團契年度聚餐佇本日禮拜後舉辦,請有報名的契友留步出發。
4.1月21日(四)佇南投教會召開中會春季議會,賴牧 師及代議長老戴主賜代表出席。
5.新年度:(1)家庭禮拜(探訪)表、(2)小公園澆水表公佈佇後面,請有感動的家庭及個人填寫。
6.本週小公園澆水服事,1/21-30林豐年長老負責
7.故潘黃素鳳姊妹遺族感謝大家佇治喪時間的關心及參與,願主紀念恁所付出的關懷。
恢復火熱,行向新路(路廿四13-17,28-35) 賴信頌牧師
佇人生中,失落的情緒常常發生佇咱的身上,多多的情境互咱陷落佇失落的中間,任何一個人攏可能因為大大小小的代誌而感到失落,這個失落的情緒無所不在。今仔日這段經文記載耶穌被釘十字架死後,有兩個學生拖著沈重的脚步,欲往一個名叫以馬忤的小鎮去。他們的心情非常的失落,致到他們失望閣憂愁,他們的心情及他們的腳步同款沉重。他們原本對耶穌抱著極大的盼望,期待祂來拯救以色列,但是祂已經被釘死佇十字架頂,而且已經過了三日啊!他們的心中必定充滿疑問,耶穌兼會佇三日後復活嗎?
「以馬忤」的原文是溫泉的意思,是一個火熱所在,若是現在學生的心情卻是充滿失落,這是一個真大的對比,學生失落尬連耶穌出現佇他們的身邊及他們講話攏認未出來,咱就通想像遮的學生的心情。失落互人心情沉重、互人悲傷失志,甚至遮蓋人的目周。
上帝互這兩位平凡的學生走向以馬忤是有特別的意思,雖莽以馬忤呣是真有名氣的小鎮,它卻有真重要的意義就是溫泉,溫泉有火熱的涵義。上帝互這兩個學生行向以馬忤的路上遇到復活的耶穌,就是要他們佇失落的中間遇到主來重新火熱,後來他們認出耶穌以後,就恢復火熱,趕緊去到眾學生的中間,將這個消息報互他們知。當他們恢復火熱後,耶穌就出現佇因中間,給因講:「願恁平安!」這互他們的信心更加堅定。
咱攏親像兩位平凡的學生同款,咱有情緒、有軟芷,也常常陷入失落的羅網中。咱因為所遇著的代誌失去對耶穌的信心,沉重的心情互咱看無路。今仔日上帝安排這兩位學生走向以馬忤的旅程,就是要咱恢復火熱、行向新路,藉著復活的耶穌向咱顯現也及咱同行,互咱的冷心失志進入火熱的溫泉中,這是上帝互每一個疼祂的人的應許。
佇舊約中有記載先知以利亞的故事,先知以利亞是上帝重用的奴僕,他曾靠著上帝的大權能行過多多神蹟,他也曾佇迦密山一人贏過四百個巴力的先知。有一日王后耶洗別差人去見以利亞說,明日必殺掉他。以利亞就起來逃命,到了別是巴,坐在羅騰樹下求死講:「今息啦!耶和華啊,求你取我的生命,因為我無比我的列祖卡贏。」(王上十九4)
以利亞帶著負面的情緒來逃命,對耶斯列往南走,到猶大的別是巴、然後到曠野、到何烈山,最後密入山洞中。對地理來看,以利亞所行的路是越來越窄,將自己困佇外在的環境中。以利亞放大自己的問題,覺得自己真孤單,他為了上帝熱心事奉,但是上帝好親像無看到他的處境,認為只剩他一人,這個認知互他怨天怨地、自哀自憐,甚至求死。
上帝了解以利亞的心,就叫他對山洞出來,站佇山頂及祂面對面,要他來到上帝的面前。上帝不要以利亞用山洞作他的避難所,上帝要他出來,面對問題把他的心結排列互上帝。當以利亞及上帝面對面了後,就對負面的情緒恢復對上帝的熱心,來行向新的路。當以利亞恢復熱心,就提升了他對上帝的認識,他就倒去他原來出來的大馬色重新開始,也抹以利沙做先知續接他的工作,這是上帝美妙的作為。
新約中的保羅,有一日佇往大馬色路上遇到了主後,目周睛瞑三天,保羅的心眼才明亮,發覺自己掠做有利益的,反轉是虧損,他過去所努力追求的,原來方向攏是錯誤,過去掠做殺害基督徒就是事奉上帝,如今才知遮的攏是愚憨。
面對新年的開始,咱心中猶存在失落的哀傷及負面的情緒嗎?咱需要及那兩位學生同款,及主相遇來行向以馬忤,互咱恢復火熱行向新路。咱相信萬項事相及來是欲互疼上帝的人得著利益,呣管外在環境有賴負面,咱攏需要有這款的確信。