本週祈禱文
天父上帝阮感謝祢!
祢就是阮的氣力及保護,
亦是患難中即時的幫助。
阮欲日日親近祢及祢同行,
求祢親自引導阮頭前的路,
互阮進入祢所應許的豐盛。
願祢堅固阮的手所作的工,
亦保守阮一切的心懷意念,
救阮脫離罪惡來行祢的路,
相信有祢的同在就有盼望。
阮按呢祈禱攏是奉主耶穌的名求!阿們
時 間:09時50分 | ||
講 道:賴信頌 牧師 | ||
司 會:藍仁志 長老 | ||
司 琴:謝琬瑜 姊妹 | ||
前奏 | 司琴者 | |
宣召 | 司會者 | |
聖詩 | 第246首 | 會眾 |
信仰告白 | 新的誡命 | 會眾 |
讚美 | 社青團契 | |
啟應 | 第17篇 | 司會者 |
祈禱 | 司會者 | |
聖經 | 路加福音廿四13-17 28-35 | 司會者 |
讚美 | 婦女團契 | |
講道 | 恢復火熱,行向新路 | 賴信頌牧師 |
祈禱 | 賴信頌牧師 | |
聖詩 | 第307B首 | 會眾 |
奉獻 | 第306首A(4.5) | 會眾 |
報告 | 司會者 | |
平安禮 | 會眾 | |
頌榮 | 第510首 | 會眾 |
阿們頌 | 會眾 | |
祝禱 | 賴信頌牧師 |
天父上帝阮感謝祢!
祢就是阮的氣力及保護,
亦是患難中即時的幫助。
阮欲日日親近祢及祢同行,
求祢親自引導阮頭前的路,
互阮進入祢所應許的豐盛。
願祢堅固阮的手所作的工,
亦保守阮一切的心懷意念,
救阮脫離罪惡來行祢的路,
相信有祢的同在就有盼望。
阮按呢祈禱攏是奉主耶穌的名求!阿們
主日聖工 | 本 週 | 下 週 |
---|---|---|
講道 | 賴信頌 | 賴信頌 |
司會 | 藍仁志 | 林美鈴 |
司琴 | 謝琬渝 | 龍慧珍 |
司獻 | 賴美珍、王仁杰、賴弘斌 | 陳人川.高惠華.莊以信 |
當值長執 | 林豐年 | 戴主賜 |
插花 | 戴錦幸 | 林秋梅 |
主日學 | 薛素珍 徐聖惠 | 張瑋庭 林芳如 |
音樂服事 | 婦女團契 | 少年團契 |
主日招待 | 張孫益 何冠英 | 李淑媛 高美玲 |
交通管理 | 林芳旗 林勝恩 張運東 | 李有用 陳文星 陳正一 |
影音小組 | 陳正一 | 王仁杰 |
1.因應疫情高感染傳播風險場域,敬請大家配合政府政策,請來參加禮拜的兄姐務必戴口罩。
2.本日歡迎啟信教會社青團契一起來參與禮拜。
3.請主日學及各團契會計,盡快送檢整年度會計帳目先互長執及後給查帳員:許惠美.林芳如(大)檢查。
4.本會潘君璘弟兄的令慈潘黃素鳳姐妹佇日前蒙主恩召,將佇一月15日(五)上午九點半佇台中殯儀館舉行告別禮拜,願主安慰遺族。欲參
加者請向幹事報名,當日上午八點45分教會出發。
5.一月17日(下主日)將召開會員和會,請踴躍出席
6.中會財務部訂一月16日(六)上午9:00佇柳原教會檢查簿冊,請負責的同工準時前往受檢
7.新年度:(1)家庭禮拜(探訪)表、(2)小公園澆水表公佈佇後面,請有感動的家庭及個人填寫。
8.本週小公園澆水服事,1/11-20溫首春兄弟負責
掠耶和華作正月(出十二1-2) 賴信頌牧師
一月或是正月攏是一年的開始。面對一年的開始,咱應該思想怎樣去過新的年,親像詩篇九十12所講:「求你教示阮怎樣算家己的日子,互阮得著智慧的心。」願對上帝來的智慧,互咱知道甚麼是咱蒙福的路。
過去以色列百姓佇埃及做奴隸四百年,佇艱苦又閣無奈的日子中,他們無有任何的盼望,也呣敢想欲脫離埃及法老王的手。若是信實的上帝已經聽見他們求叫的聲,就揀選摩西去拯救以色列百姓脫離法老王的手。耶和華上帝對摩西、亞倫講:「此月著做恁的正月,做年年的頭一月。」(2)上帝要摩西掠耶和華作正月,做一年的開始,就是要他們藉著上帝新的恩典,來過一個新的生活,走新的路程,向著新的目的地,成為一個新的國家。有上帝自己作他們的主,遮的出埃及的百姓欲開始他們的新生活,這真正是一個新的年。
上帝要他們掠耶和華作正月,呣只是日子的算法改變,是要他們的生命也要改變,真可惜遮的百姓只看表面無看上帝,以色列百姓所犯的錯誤也及現今的世代真同款,呣是走投無路才願意交託,平安順利的時就靠自己。如果咱仔細看上帝的應許,就可以看見祂的應允有兩部分,就是人的本分及上帝的作為,也就是講當咱盡咱的本份,上帝就會有祂的作為,親像箴三5-6所講:「你著專心倚靠耶和華,呣通倚靠你家己的敖,佇你一切所行的事攏著認伊,伊欲指點你的路。」
●咱的本份:
欲得到上帝的引導,咱的本分就是----佇一切所行的事攏著認伊。「認」就是知道或是認識,也就是講咱的本分就是要去知道祂、認識祂,這個「認識」呣只有承認若定,是要藉著及上帝交通來認識祂的心意。咱著怎樣做呢?就是第五節所講:「專心倚靠耶和華,呣通倚靠你家己的敖。」也就是要放棄自己的理解去看上帝的旨意。
咱要佇一切所行的事認祂,要佇厝、佇學校、佇工作的所在認祂,相信上帝將咱囥佇遮的所在有祂的旨意;咱要佇健康或是欠安的時認祂,相信健康或是欠安攏是上帝的恩典;咱要佇平順或是試驗的時認祂,相信遮的攏是佇彰顯上帝的能力。當咱願意佇一切所行的事認祂,咱就越感受到上帝的引導。
●上帝的作為:
「伊欲指點咱的路」,這是上帝應許欲顯現的作為。佇世間咱有真多代誌無確定,但是有一件事是確定的,就是:「如果咱若盡咱的本份,上帝就欲指點咱的路。」伊欲指點咱的路呣只是引導,猶有修平咱的路的意思。
「伊欲指點咱的路」就是佇提醒咱,當咱行佇人生的路時,一定會面對饒疑,呣知叨一條才是正確的路。面對饒疑的時,上帝講祂欲指點咱的路,互咱無行呣對路。這就親像當時以色列百姓佇曠野的時,上帝親自引導他們頭前的路,聖經講:「耶和華行佇因的頭前,日時,佇雲柱中導因的路;暝時,佇火柱中光照因,互因日暝攏通行。日時的雲柱,暝時的火柱,攏無離開百姓的頭前。」(出十三21-22)
上帝應許欲指點咱的路,這是及咱的生命有密切的關係,如果咱承認上帝,也願意將自己交託互祂,祂就會佇一切的路指點咱,直到生命的結局。祂欲指點咱的路,這個路是咱所有需要行的路,無論家庭的路、工作的路、感情的路、學業的路等,上帝攏願意來指點咱,祂也應許欲按呢做,所以箴言十六3就講:「你所做的,攏著交託耶和華,你所計謀的,就會穩當。」上帝要以色列百姓將出埃及的那個月改作正月,就是欲互他們重新開始有新的經歷。願咱攏掠耶和華作正月,將2021年交託互祂,相及來經歷祂引導的恩典。