耶穌坐佇叨位(馬可十二41-44)                賴信頌牧師

    咱來到聖殿做禮拜，真多人攏習慣坐佇固定的位，所以甚麼人有來無來牧師真容易就可以看到,咱兼曾去想過，耶穌若佇咱的聖殿中，祂會坐佇叨位？今仔日這段經文記載講，耶穌進入聖殿以後，祂坐佇庫房的對面，看眾人怎樣穴錢入庫房。今仔日耶穌也坐佇咱的對面，看咱怎樣佇奉獻？

    主所看重的，呣是咱奉獻了多少，是咱對奉獻的心及態度是怎樣？耶穌知道這個寡婦獻賴多，祂也知道其他的人獻賴多，問題不在奉獻的數額，耶穌給學生講：「我實在給恁講，此個喪鄉的守寡人所穴的，比眾穴落庫房的卡多。因為，許個眾人是對因有剩的，來穴；若是此個婦仁人是對佇伊的無夠，來一盡穴伊所有的，就是伊所倚靠來活的。」(43-44)

    這個寡婦的奉獻是一個倚靠，倚靠那位全然備辦的上帝，是百分之百的相信，相信上帝會顧念她的需要。所以主耶穌坐佇庫房的對面佇看眾人的奉獻，重點不在金錢，是在佇倚靠。主耶穌並無看輕奉獻卡多的人，也無批評奉獻卡少的人。重點是富人所拿出的是一部份錢，轉去了後仍然倚靠自己的財富，若是這位寡婦拿出所有的，轉去了後所能依靠的就是上帝。這就是富人及寡婦最大無同的所在，也是咱要思考的重點。

    咱若真少倚靠上帝，就會少體會到倚靠上帝所帶來的平安及安定，這是真可惜的代誌。人總是習慣倚靠自己，非不得已才去求人，閣卡少會去求叫上帝。好親像人一定要到佇走頭無路或是無法度解決的時，才來尋找上帝的幫助，若是按呢就會互咱走多多的冤枉路。箴三5-6講：「你著專心倚靠耶和華，呣通倚靠你家己的敖，佇你一切所行的事攏著認伊，伊欲指點你的路。」這是每一個兄姐的提醒及幫助。

    詩人講：「你著專心倚靠耶和華，呣通倚靠你家己的敖」，這個「專心」佇原文有「全心全意」的意思。咱要「全心全意」的倚靠上帝，將咱的目周注神佇上帝的身上，既然欲倚靠上帝，就無閣倚靠家己的敖。詩人閣講：「佇你一切所行的事攏著認伊，伊欲指點你的路。」箴言的作者所羅門攏知道要去倚靠上帝，何況是咱呢？呣是大的事才去依靠祂，是任何事攏可以擺佇祂的面前。現代中文譯本的聖經翻譯作：「無論做甚麼事，攏要掠上主的旨意做依歸，他就會指示你走正直的路。」

    咱要相信上帝的應許必定成就，祂答應欲指點你的路，祂就會照按呢行。有時咱會疑問，上帝兼會指點咱的路，但是咱若無去「倚靠」及「認定」祂，就會看無祂指示的路。呣管咱現在遇到甚麼困難，咱要去倚靠上帝，掠上帝的旨意做準則，祂就欲指點咱一條正直的路，有上帝的同在，雖莽佇苦難中，也欲有上帝的引導。

    咱的聖經麻呣是「單一」的見證，是多多人的見證，親像保羅講的，也有彼得為他作見證，咱的信仰若無多多人的見證，教會早就對這世間消失阿。

    欲倚靠上帝，就要掠祂的旨意做根本。佇1861年，美國爆發「南北戰爭」，是什麼原因會有這場戰爭？是為著「解放黑奴」。「解放黑奴」背後的「信念」是什麼？就是根據「人被造是平等的」，這是人不能被剝奪的權利，也是上帝的旨意。所以林肯總統堅持這個信念，站佇上帝這邊，憑著信心向前行，遇到困難的時，祂就來到上帝面前跪落祈禱，最後上帝就把得勝賜互他。

    這個寡婦後來怎樣，佇福音書中並無記載，她有可能對聖殿轉去了後就飢餓等死，若是這款的結局就非常的悲哀。但是我相信上帝必定互這位寡婦得著需要的滿足，因為她深知，她所信的上帝是能夠互她依靠的，上帝欲照她所信來成。耶穌呣若坐佇聖殿，是坐佇每一個人的生命中。