照主所講就是(馬太三13-17)                 賴信頌牧師

    信仰的挑戰，真多時陣是來自理性，有多多信仰的觀念是咱的理性無法度認同的，所以有的人只信自己。信仰呣是起造佇理性是起造佇信心。今仔日這段經文記載，耶穌來到約旦河，全心全意欲接受約翰的洗禮，對佇理性來看，耶穌既然是上帝的子，怎樣要接受約翰的洗禮呢？這是無合理的。

◎為怎樣耶穌欲接受約翰洗禮

    為怎樣耶穌欲接受約翰洗禮呢？因為耶穌知道上帝對祂一生的計畫，祂要去宣揚天國的福音、要去醫病趕鬼，然後為世間人的罪被拒絕，最後釘死佇十字架上。耶穌知道遮的使命就欲開始，所以祂來到約旦河，全心全意要約翰為祂洗禮。同款的，每一個人的一生攏有上帝的計畫，咱兼願意親像耶穌委身佇上帝所有的作為？

    約翰及咱的想法同款，認為這是無合理的，所以一開始他是阻止耶穌的要求！因為約翰知道耶穌是誰，耶穌呣只是他的親戚馬利亞的子，耶穌是上帝的羔羊，欲來除去世間人罪孽的。有時咱會無去注意上帝的旨意，只是用理性來決定咱的方向，若是上帝卻有祂自己的計畫。所以有時咱掠作真好的方向，可能是及上帝的計畫顛倒。

◎理性及信仰的衝突

    當咱的理性及信仰衝突的時，人會選擇相信自己的理性，而否定其他超越理性的作為。咱若是只欲用理性來看信仰，就可能陷入佇矛盾的中間，因為一位全能創造宇宙的上帝，若能夠互咱的理性完全理解或是掌握，按呢這款的上帝就無超越的氣力，連遐的理性主義者也未想欲相信。也就是講，信仰一定要合佇咱的「理性」才相信，這款理性的信仰是未會久長的。

    「信仰」就是出現佇遐的「理性」無法度解決的所在，就是因為人的理性有多多不足，咱才用信心去相信它、接受它。多多人相信上帝的存在，並呣是因為他們的理性知道要怎樣去證明上帝存在，乃是因為他們單單相信。所以希伯來書十一1講：「信就是所向望者的實在，及未看見的事的憑準。」

◎照主所講就是

    約翰起初是欲阻止耶穌接受他的洗禮，但是後來他聽趁主並且為耶穌洗禮。若是用信仰的角度來看耶穌受洗禮，實在無賴大意義，但是當約翰拒絕耶穌的時，耶穌直接回答約翰講：「今請允我，因為咱合宜著按呢來盡攏總的義。」約翰不明白為耶穌洗禮及上帝的義有甚麼牽連？但是約翰依然照主所講。

    約翰的順趁，得到聖經中獨一的獎賞，他看見了三位一體的上帝！聖經講：耶穌已經受洗禮，連鞭對水上來。天忽然為著伊開，伊就看見上帝的神親像鴿仔降臨，佇伊的頂面。閣對天有聲講：「此個是我疼的子，我所歡喜的。」(16-17)雖莽有時咱的想法也及上帝的計畫相違背，但是如果咱聽趁祂的吩咐來行，咱就欲得到上帝所賞賜的獎賞。

    咱的信仰常常就親像高空彈跳同款，雖莽看繩子那麼結實，安全性絕對無問題，但是要咱去冒那個險就是呣敢。相信絕對安全及自己去跳，這完全是兩回事，親像多多人「相信」耶穌可以拯救他，但是卻無全然的信靠祂。咱呣通只把信心囥佇做善事上面，也呣通將信心囥佇自己所意愛的目標中，尚重要的，是把信心囥佇耶穌身上，相信祂能拯救你，相信祂能引導你。

    上帝互人有理性，這個理性當然有價值，但是咱依然要明白，人是無法度只透過理性來認識上帝。人之所以能夠認識上帝，是因為上帝的自我啟示----也就是上帝主動向人顯明祂自己。親像箴八17所講：「疼我者，我也疼伊；懇切尋我者，欲尋著。」咱呣通過頭倚靠自己的理性，只要照主所講去行。